காளான் 65 / Mushrooms 65

தேவையானவை

பட்டன் காளான் - 100 கிராம்
தயிர் - 1 தேக்கரண்டி
இஞ்சிபூண்டு விழுது - 1 தேக்கரண்டி
சிக்கன் 65 மசாலா / மிளகாய் தூள் - 1 தேக்கரண்டி
கார்ன் ஃப்ளார் - 1 தேக்கரண்டி
ரெட் கலர் - சிறிது
கறிவேப்பிலை - சிறிது
உப்பு - தேவைக்கு
எண்ணெய் - பொரிக்கத்தேவையான அளவு

செய்முறை

ஒரு பாத்திரத்தில் துண்டுகளாக நறுக்கிய காளான்,இஞ்சி பூண்டு விழுது,தயிர்,சிக்கன் 65 மசாலா,கார்ன் ஃப்ளார்,ரெட் கலர்,கறிவேப்பிலை,உப்பு சேர்த்து கலந்து நன்றாக பிரட்டி 15 நிமிடம் வைக்கவும்.

வாணலியில் எண்ணெய் விட்டு காய்ந்ததும் காளான்களை போட்டு சிவக்க பொரித்தெடுக்கவும்.
சுவையான காளான் 65 ரெடி.

கோபி 65 / Cauliflower 65

தேவையானவை

காலிஃப்ளவர் - ஒன்று சிறியது
தயிர் - 1 தேக்கரண்டி
தந்தூரி மசாலா - 1 தேக்கரண்டி
சிக்கன் 65 மசாலா / மிளகாய் தூள் - 1/2 தேக்கரண்டி
கார்ன் ஃப்ளார் - 1 தேக்கரண்டி
இஞ்சி பூண்டு விழுது - 1 தேக்கரண்டி
ரெட் கலர் - சிறிது
கறிவேப்பிலை - சிறிது
உப்பு - தேவைக்கு
எண்ணெய் - தேவைக்கு

செய்முறை

காலிப்ளவரை உப்பு சேர்த்து கொதிக்க வைத்த சுடு நீரில் இரண்டு நிமிடம் போட்டு வைக்கவும்.வேறு பாத்திரத்தில் இஞ்சி பூண்டு விழுது,தயிர்,தந்தூரி மசாலா,சிக்கன் 65 மசாலா,கார்ன் ஃப்ளார்,ரெட் கலர்,கறிவேப்பிலை,உப்பு சேர்த்து கலந்து வைக்கவும்.

இத்துடன் காலிஃப்ளவர் சேர்த்து கால்மணி நேரம் ஊற வைக்கவும்.

அடுப்பில் கடாயை வைத்து எண்ணெய் ஊற்றி காய்ந்ததும் பிசைந்து வைத்திருக்கும் காலிஃப்ளவரை போட்டு வறுத்து எடுக்கவும்.

சுவையான காலிஃப்ளவர் 65 தயார்.