Showing posts with label இனிப்பு / Sweet. Show all posts
Showing posts with label இனிப்பு / Sweet. Show all posts

Sunday, February 19, 2012

பால்கோவா / Palgova



தேவையானவை

ரிக்கட்டா சீஸ் (ricotta cheese) - 14 oz
பட்டர் - 4 டேபுள் ஸ்பூன்
சர்க்கரை - 3/4 கப்
பால் பவுடர் - 1 கப்
ஏலக்காய் பொடி - 1 பின்ச்

செய்முறை

முதலில் தேவையான பொருட்களை எடுத்து வைக்கவும்.


ஒரு கடாயில் பட்டரை போட்டு லேசாக உருக்கியவுடன்

ரிக்கட்டா சீஸ்,சர்க்கரை சேர்த்து

ஒரு கரண்டியால் கட்டி இல்லாமல் கிளறவும்.

பின் கொதிக்க ஆரம்பித்தவுடன் கை விடாமல் 15 நிமிடம் கிளறவும்.

முதலில் கொஞ்சம் தண்ணியாக இருக்கும்.

பிறகு கொஞ்சம் கெட்டியாக ஆனவுடன் பால் பவுடர் சேர்த்து

நன்றாக கலந்து மீண்டும் ஒரு 10 நிமிடம் கிளறவும்.

கடைசியில் ஏலக்காய் பொடிதூவி

பாத்திரத்தில் ஒட்டாமல் பால்கோவ பதம் வந்ததும் இறக்கவும்.

இப்பொழுது சுவையான பால் கோவா தயார்.

Sunday, February 12, 2012

சாக்லெட் பர்ஃபி / Chocolate Burfi



தேவையானவை

கோக்கோ பவுடர் - 1/3 கப்
பால் பவுடர் - 1 கப்
கண்டெண்ஸ்ட் மில்க் - 1 டின்
வெண்ணெய் - 2 ஸ்பூன்

செய்முறை

ஒரு கடாயில் வெண்ணெய் போட்டு கரைந்ததும்

கண்டெண்ஸ்ட் மில்க்,பால் பவுடர்,கோக்கோ பவுடர் மூன்றையும் சேர்த்து

நன்றாக கை எடுக்காமல் கிளறவும்.

ஒரு பத்து நிமிடம் கழித்து நன்கு சுருண்டு வரும் பதம் வரை கிளறவும்.

நன்கு கெட்டியான பிறகு அடுப்பை அணைத்து ஒரு நெய் தடவிய தட்டில் இந்த கலவையை கொட்டி

பின் சமநிலை செய்து துண்டுகளாக்கி பாதாம் வைத்து அழகுபடுத்தவும்.

சுவையான சாக்லெட் பர்ஃபி ரெடி.இது எல்லாரும் விரும்பி சாப்பிடக்கூடியது.

Saturday, January 14, 2012

ரசமலாய் / Rasmalai



தேவையானவை

ரசகுல்லா - 1 டின்
பால் - 4 கப்
கண்டெண்ஸ்ட் மில்க் - 1 டின்
ஏலக்காய் - 4
பிஸ்தா,பாதாம்,முந்திரி - தலா 10
குங்குமப்பூ - தேவையான அளவு

செய்முறை

ஒரு பெரிய பாத்திரத்தில் பாலை ஊற்றி காய்ச்சவும். நடு நடுவே கிளறிக் கொண்டே இருக்க வேண்டும். இல்லையென்றால் அடி பிடித்து விடும்.


பால் கொஞ்சம் சுண்ட ஆரம்பித்ததும் குங்குமப்பூ,இனிப்பு தேவையான அளவு கண்டெண்ஸ்ட் மில்க் சேர்த்து கொதிக்கவிடவும்.


மிக்சியில் பிஸ்தா,பாதாம்,முந்திரி,ஏலக்காய் சேர்த்து

பொடித்து கொதிக்கும் பாலில் சேர்த்து வாசம் போகும்வரை கொதிக்கவிடவும்.

ரசகுல்லாவை ஒரு வடிகட்டியில் போட்டு தண்ணீர் வடியவிடவும்.

தண்ணீர் நன்றாக வடிந்தவுடன் ஒவ்வொன்றாக கையில் எடுத்து சிறிதளவு பிழிந்து விட்டு கொதிக்கும் பாலில் ரசகுல்லாவை போட்டு ஐந்து நிமிடம் அடுப்பை சிம்மில் வைத்து கொதிக்க விடவும்.

ஐந்து நிமிடம் கழித்து நன்கு வெந்தவுடன் இறக்கி ஆறவைத்து ப்ரிஜில குளிரவைத்து சில்லென்று பரிமாறவும். சுவையான ரசமலாய் தயார்.

Wednesday, December 28, 2011

கார்ன் ஃப்ளார் அல்வா / Corn Flour Halwa



தேவையானவை

கார்ன் ஃப்ளார் - 1 டம்ளர்
நெய் - 1 டம்ளர்
முந்திரி - 50 கிராம்
ஏலக்காய் தூள் - 1 பின்ச்
எலுமிச்சை சாறு - ஒரு தேக்கரண்டி
விருப்பமான கலர் - கொஞ்சம்
தண்ணீர் - 2 டம்ளர்

பாகு செய்ய
சர்க்கரை - 4 டம்ளர்
தண்ணீர் - 2 டம்ளர்

செய்முறை

சர்க்கரையில் 2 டம்ளர் தண்ணீர் விட்டு அடுப்பில் வைத்து கரைய வைக்கவும்.பாகு வர வேண்டாம்.சர்க்கரை கரைந்தால் மட்டும் போதும்.


ஒரு வாணலியில் கார்ன் ஃப்ளார்1 டம்ளர்,தண்ணீர் 2 டம்ளர் ஊற்றி கட்டி ஆகாமல் கரைத்து வைக்கவும்.

பின் அத்துடன் நெய் 1 டம்ளர் சேர்த்து அடுப்பில் வைத்து சிறுதீயில் கிளறவும்.

சிறிது சிறிதாக கட்டியாக ஆரம்பிக்கும் கைவிடாமல் கிளறி இந்த பக்குவத்திற்கு வந்ததும் அடுப்பில் இருந்து எடுத்து விடவும்.

கிளறிய மாவை சர்க்கரை தண்ணீருடன் சேர்த்து அடுப்பில் வைத்து கட்டியில்லாமல் கிளறவும்.

அதனுதுடன் கலர், ஏலக்காய் தூள்,எலுமிச்சை சாறு சேர்த்து நன்றாக கிளறி

அல்வா பதம் வந்ததும் பொடியாக உடைத்த முந்திரி சேர்த்து கைவிடாமல் 10 நிமிடங்கள் கிளறி இறக்கவும்.

பின் நெய் தடவிய தட்டில் கொட்டி ஆறிய பின் துண்டுகளாக வெட்டி கொள்ளவும்.

சுவையான அல்வா ரெடி.

Tuesday, December 27, 2011

கம்பு மைசூர் பாக் / Millet Mysore Pak



தேவையானவை

கம்பு மாவு - 1 கப்
வெல்லம் - 1/2 கப்
நெய் - 1/2 கப்

செய்முறை


ஒரு நாண் ஸ்டிக் கடாயில் நெய் ஊற்றி மாவை சேர்த்து வாசனை வரும் வரை நன்றாக வறுக்கவும்.

மைக்ரோவேவில் வெல்லத்தை வைத்து தண்ணீர் விடாமல் உருக்கி கொள்ளவும்.


மாவு நன்றாக வறுத்தவுடன் உருக்கிய வெல்லத்தை சேர்த்து அடுப்பை அனைத்து விட்டு கைவிடாமல் கட்டியில்லாமல் கிளறவும்.

இதை நெய் தடவிய ஒரு தட்டில் கொட்டி

சமபடுத்தி துண்டுகள் போடவும்.

சுவையான சூப்பரான கம்பு மைசூர் பாகு ரெடி.

Sunday, November 6, 2011

வேர்கடலை சிக்கி / Peanut chikki



தேவையானவை

வேர்கடலை - ஒரு கப்
சர்க்கரை - 3/4 கப்

செய்முறை

வேர்கடலையை வறுத்து தோல் எடுத்து மிக்ஸியில் பொடித்து வைக்கவும்.
வாணலியை அடுப்பில் வைத்து சூடேறியதும் சர்க்கரையை சேர்க்கவும்.தண்ணீர் சேர்க்க கூடாது.
முதலில் சர்க்கரை கட்டிகளாக மாறும்.

கரண்டியால் கைவிடாமல் கிளறவும்.பின் சர்க்கரை பொன்னிறமாக முழுதும் கரைந்ததும்,

வேர்க்கடலை பொடியை போட்டு கலந்து

உடனே நெய் தடவிய தட்டில் கொட்டி நெய் தடவிய சப்பாத்தி கடையால் தேய்த்து

உடனே துண்டுகள் போடவும்.


மொறுமொறுப்பான சுவையான வேர்கடலை சிக்கி தயார்.