ஹைதராபாத் சிக்கன் 65 / Hyderabad chicken 65 Masala

தேவையானவை

எலும்பில்லா சிக்கன் - 1/2 கிலோ
இஞ்சிபூண்டு விழுது - 2 ஸ்பூன்
உப்பு - தேவைக்கு
கார்ன் ஃப்ளார் - 1 தேக்கரண்டி
முட்டை வெள்ளைகரு - 1
எண்ணெய் - பொரிக்க
சிக்கன் 65 மசால (அ) மிளகாய்த்தூள் - 1 தேக்கரண்டி
ரெட் கலர் - சிறிது
மிளகுசீரகத்தூள் - ஒரு தேக்கரண்டி
கரம் மசாலா தூள் - 1/4 தேக்கரண்டி
தயிர் - அரை கப்
கறிவேப்பிலை - சிறிது
வெங்காயம் - 1/2
குடைமிளகாய் - 1/2

செய்முறை

ஒரு பாத்திரத்தில் சுத்தம் செய்த சிக்கன் துண்டுகளை போட்டு அதில் சிக்கன் பவுடர்,இஞ்சி பூண்டு விழுது,ரெட் கலர்,உப்பு,கார்ன் ஃப்ளார்,முட்டை வெள்ளைகரு சேர்த்து பிசறி ஒரு மணிநேரம் ஊற வைக்கவும்.

கடாயில் ஒரு தேக்கரண்டி எண்ணெயில் விட்டு ஊற வைத்த சிக்கனை சேர்த்து அதிகம் சிவக்கவிடாமல் பொன்னிறமாக இருபுறமும் வறுத்து எடுக்கவும்.

குறைந்தது 15 நிமிடத்தில் சிக்கன் வெந்துவிடும்.
அல்லது எண்ணெயில் பொரித்து எடுக்கவும்.அதே கடாயில் சிறிது எண்ணெய் விட்டு நறுக்கின வெங்காயம்,குடைமிளகாய் சேர்த்து ஒரு நிமிடம் வதக்கி தனியாக எடுத்து வைக்கவும்.

மற்றொரு பாத்திரத்தில் தயிர், ரெட் கலர், சீரகத்தூள், மிளகுத்தூள், கரம் மசாலா, உப்பு சேர்த்து, நன்றாக கலந்து வைக்கவும்.

பின்னர் ஒரு கடாயில் ஒரு ஸ்பூன் எண்ணெய் விட்டு கறிவேப்பிலை சேர்த்து

கரைத்து வைத்துள்ள தயிர் கலவையினை சேர்க்கவும்.

பின்னர் வறுத்து வைத்த சிக்கன்

,வதக்கின வெங்காயம்,குடைமிளகாய் சேர்த்து

5 நிமிடங்கள் வேகவைத்து இறக்கவும்.
சுவையான ஹைதராபாத் சிக்கன் 65 ரெடி.