பாதுஷா / Badusha

தேவையானவை

மைதா மாவு - 2 கப்
சர்க்கரை - 1/2 டீஸ்பூன்
பேக்கிங் பவுடர் - 1/4 டீஸ்பூன்
பேக்கிங் சோடா - 1/4 டீஸ்பூன்
வெண்ணெய் - 2 தேக்கரண்டி
உப்பு - ஒரு சிட்டிகை
தயிர் - 2 தேக்கரண்டி
தண்ணீர் - 2 தேக்கரண்டி
எண்ணெய் - பொரிக்க

பாகு செய்ய

சர்க்கரை - 1 1/4 கப்
தண்ணீர் - 1 கப்
எலுமிச்சை சாறு - 1/2 டீஸ்பூன்

செய்முறை

மைதா மாவுடன் உப்பு,பேக்கிங் பவுடர்,பேக்கிங் சோடா சேர்த்து நன்றாக கலக்கி வெண்ணெய் சேர்த்து பிசைந்து பின் தயிர் சேர்த்து சப்பாத்தி மாவு பதத்திற்கு பிசைந்து கொள்ளவும்.
சிறிது தண்ணீர் சேர்த்து கொள்ளவும்.

அரை மணி நேரம் மாவை மூடி வைக்கவும்.இதனிடையில் சர்க்கரையை கம்பி பதத்தில் பாகு காய்ச்சி இறக்கும்பொழுது எலுமிச்சை சாறு சேர்த்து இறக்கவும்..

மாவினை சிறு சிறு உருண்டைகளாக உருட்டி ஓரங்களை விரள்கலால் மடித்து
பாதுஷா போல் செய்து கொள்ளவும்.

எண்ணெயை சூடானதும் வாணலியை அடுப்பில் இருந்து இறக்கிவிடவும்.பின் பாதுஷாக்களை எண்ணெயில் போடவும்.வெண்ணிறமாய் பாதுஷாக்கள் மேலே வந்து மிதக்க ஆரம்பித்த பிறகு, வாணலியை அடுப்பில் வைத்து மிதமான சூட்டில் வேகவிடவும்.

பொன்னிறமாக பொரித்து எடுத்து,ஆறிய பின் பாகில் போடவும்.

2 நிமிடம் ஊறிய பின் எடுத்து, பரிமாறவும்.